Jizzax viloyati hokimi Ergash Saliyev ijod maktabidagi “Soʼnggi qoʼngʼiroq”da ishtirok etdi

Bugun mamlakatimizning barcha umumtaʼlim maktablarida “Soʼnggi qoʼngʼiroq” tadbirlari oʼtkazildi.

Jumladan, Hamid Olimjon va Zulfiya nomidagi ijod maktabida “Soʼnggi qoʼngʼiroq” maʼnaviy-maʼrifiy tadbiri tashkil etildi.

Tadbirda viloyat hokimi Ergash Saliyev soʼzga chiqib davlatimiz rahbarining “Umumiy oʼrta taʼlim maktablarining bitiruvchi yoshlariga” yoʼllagan tabriklarini oʼqib eshittirdi hamda ijod maktabi faoliyatini boshlagandan buyon erishgan yutuqlari va uning viloyatimizdagi oʼrnini taʼkidlab oʼtdi.

Viloyatdagi umumtaʼlim maktablarini oʼtgan yilda 16 534 nafar oʼquvchilar bitirgan boʼlsa, shundan 6 394 nafar oʼquvchilar oliy taʼlim muassasalariga talabalikka qabul qilindilar.

Joriy yilda taʼlim muassasalarini 23 271 nafar oʼquvchilar 9 sinfni, 16 880 nafari 11 sinfni tugatishmoqda.

Shundan 97 nafar bitiruvchi muddatidan oldin imtiyozlarga ega boʼlib, OTMga qabul qilingan.

Tadbir davomida 2022-2023 oʼquv yili davomida faollik koʼrsatgan, sohada yutuqlarga erishgan pedagog, tarbiyachi xodimlar va oʼquvchi yoshlar viloyat hokimligi tomonidan tashakkurnoma, diplom va esdalik sovgʼalari bilan taqdirlandi.

Badiiy qismdan oʼrin olgan chiqishlar, kuy va raqslar yigʼilganlarga birdek manzur boʼldi. Bitiruvchi sinf oʼquvchilarining ustozlarga yoʼllagan tabriklari barchani ruhlantirdi.

Viloyat hokimligi Аxborot xizmati

Тэги:

##JIZZAX_#ERGASH_#SALIYEV_#HOKIM_#QUNGIROQ

Скачать видео