"ЖАУҚАЗЫН -2021" БАЛАЛАРҒА АРНАЛҒАН ӨНЕР БАЙҚАУЫ. ҮРЖАР АУДАНЫ

"ЖАУҚАЗЫН-2021" ЖҰЛДЫЗДАРЫ ЖАРҚЫРАЙ БЕРСІН!

Ауданымызда "Жауқазын" балалар шығармашылығы байқауы 1995 жылы ҚР мәдениет қайраткері Ғ.Азубаевтың бастамасымен тұңғыш рет өткен. Содан бері 25 жыл қатарынан "Жауқазын" байқауын жүйелі түрде ұйымдастырып келе жатқан Үржар аудандық мәдениет үйінің және "Сонар" балалар ансамблінің көркемдік жетекшісі Фарида Уалқанқызы Төлегенова. Жауқазын жеңімпаздарынан құралатын "Сонар" ән-би ансамблі 1996 жылы құрылып, биылғы жылы 25 жылдық белеске жетті.
2020 жылы пандемияға байланысты 25 жылдық мерейтойын өткізе алмадық. биылғы жылы "Жауқазын" өзінің жас өнерпаздарымен қайта қауышты.
2021 жылдың өнер сайысы ҚР Тәуелсіздігінің 30 жылдығына және «Сонар» ән-би ансамблінің құрылғанына 25 жыл арналды.
«Рухани жаңғыру» бағдарламасы аясында қазақ халқының ұлттық өнері мен мәдениетін, ауданымызда жастар мен балалар шығармашылығын дамытуды мақсат тұтқан ұйымдастырушылар індетке байланысты байқаудың бірінші және екінші кезеңін 16 ақпан - 16 сәуір аралығында онлайн форматта өткізді.
Байқаудың қорытынды Гала концерті мен марапаты барлық санитарлық талаптарды сақтай отырып көрермендердің қатысуынсыз 22 мамыр күні ұйымдастырылып, тікелей эфирде Инстаграмм желісі арқылы трансляция жасалды. "Жауқазынның" жеңімпаздары мен жүлдегерлерін аудан әкімінің орынбасары Б.Қ.Тұрлыбеков және "Нұр Отан" партиясының аудандық филиалы төрағасының бірінші орынбасары Р.С.Жүнісова құттықтап, Үржар ауданының әкімі Нұржан Тілеужанұлы Тоқсеитовтің атынан "Дипломмен" марапаттап, "Жүлдегер" статуэткасын, естелік сыйлықтар табыс етті.

#Үржарауданы, #ҮржарМәдениет, #Урджарскийрайон, #Urdjaraudany
#балаларғаарналғанканал, #длядетей
#JAUQAZYN, #ЖАУҚАЗЫН

Тэги:

##Үржарауданы ##ҮржарМәдениет ##Урджарскийрайон ##Urdjaraudany #балаларғаарналғанканал ##длядетей #JAUQAZYN ##ЖАУҚАЗЫН

Скачать видео