ДУ КУШТА ВА СЕ ЗАХМӢ ДАР САДАМАИ МАРГОВАР ДАР НОҲИИ ДАНҒАРА

10-уми сентябри соли 2023, тахминан соати 15:00, ронандаи автомашинаи тамғаи “Опел-Астра”, Саидов Қудбиддин Қулович, соли таваллудаш 1964, сокини ноҳияи Темурмалик, ҳангоми ҳаракат аз самти ноҳияи Темурмалик ба самти ноҳияи Данғара, дар гардиши хатарноки мавзеи Тикатоши ҷамоати деҳоти И.Шарифи ноҳияи Данғара аз уҳдаи идораи воситаи нақлиёт набаромада, ба чуқурии 28-метр чаппа шудааст.
Дар натиҷа, худи ронанда Саидов Қ.Қ. ва мусофири хурдсолаш Абдураҳмонова Муҳарамма Хайёмовна, соли таваллудаш 2015, сокини ноҳияи Кӯшониён, ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидаанд.
Мусофирони дигари автомашинаи мазкур, Назарзода Фаридаи Азизулло, соли таваллудаш 1990, Назарова Тоҷиниссо Файзуллоевна, соли таваллудаш 1985 ва Қосимова Солеҳа Иброҳимовна, соли таваллудаш 1960, сокинони ноҳияи Данғара, ҷароҳатҳои гуногуни ҷисмонӣ бардошта, дар беморхона бистарӣ гардидаанд.
10-уми сентябри соли 2023, тахминан соати 22:30-дақиқа, ронандаи автомашинаи тамғаи “Тайота-Каролла”, Табаров Исмоил Эмомалиевич, соли таваллудаш 1999, сокини шаҳри Душанбе, ҳангоми ҳаракат аз самти кӯчаи Рӯдакӣ ба самти кӯчаи И.Сомонӣ, дар рӯ ба рӯи пули мошингард аз уҳдаи идораи воситаи нақлиёт набаромада, пиёдгард Шарофзода Некрӯз Талаб, соли таваллудаш 2002, сокини ноҳияи Ш.Шоҳинро пахш намудааст.
Дар натиҷа, пиёдагард Шарофзода Н.Т. ҷароҳатҳои вазнини ҷисмонӣ бардошта, ба беморхона бистарӣ гардида, сипас, ба ҳалокат расидааст.

Скачать видео