Qazaxda tarixi hamam fahişəxana kimi işlədilib

Qazax şəhərinin mərkəzində yerləşən 117 yaşlı İsrafil Ağa Hamamını fahişəxanaya çeviriblər. Bu barədə kanalımıza adını çəkilməsini istəməyən bir vətəndaş məlumat verib. Onun sözlərinə görə Uzun illər həmin hamamı icarə ilə işlədən Eldəniz Əzimov Kültləvi İnformasiya vasitələrinə manipulyativ açıqlamalar verərək hüquqi məsuliyyətdən yayınmağa çalışır.
Eldəniz Əzimov bildirir ki, Hamamın sökülməsinə etiraz etdiyi üçün Qazax Şəhər Polis İdarəsi tərəfindən təqib edilir və bu səbəbdən Bakıya qaçıb.
DİN-in Mətbuat Xidmətinin KİV və ictimaiyyətlə əlaqələr şöbəsinin rəisi Elşad Hacıyev deyir ki, Eldəniz Əzimovun axtarılmasına səbəb ondan edilən şikayətlərdir.
Elşad Hacıyev onu da deyib ki, pandemiya dövründə gecə saatlarında hamamı gizlin işlətdiyi üçün Eldəniz Əzimov məsuliyyətə də cəlb olunub.
Qazax Rayon sakini Samirə Məhərrəmova bildirir ki, Elşad Əzimli və qardaşı onu 5 il ərzində şantaj və hədə qorxu yolu ilə istismar edib.

Скачать видео