кітапхана саласы ардагерінің 75 жылдығы

Қазан айының 21 жұлдызында Балалар кітапханасының қызметкерлері кітапхана саласының майталманы Республикалық Жасөспірімдер кітапханасының негізін қалаушы және бірінші директоры, Қазақстан Республикасы Ұлттық кітапханасының бас директоры, Астана қаласындағы Ұлттық Академиялық кітапханасының бас директоры қызметтерін атқарған, сондай-ақ 1989 жылы елімізде алғашқы автоматтандырылған кітапханалық-ақпараттық жүйе құрылуының басында тұрған Роза Аманғалиқызы Бердіғалиеваның өмірі мен қызметінен мағлұмат беретін "Өз існің шебері" атты тұлғалық кеш ұйымдастырды.
Сонымен қатар Роза Аманғалиқызы Еуразия Кітапханалық қауымдастығының алғашқы сайланған президенті, Қазақстан Республикасының Кітапханалар қауымдастығының президенті болып сайланған.
Тарих ғылымының докторы Роза Бердіғалиева көптеген ғылыми еңбектердің авторы, көптеген қоғамдық ұйымдардың мүшесі болған. Ол кісінің ұзақ жылғы қажырлы еңбегі жоғары бағаланып "Құрмет" орденімен, Қазақстанның еңбек сіңірген қайраткері құрметті атағымен, "Еңбек ардагері" медалімен және көтеген төсбелгілер мен мерекелік медальдармен марапатталған.
Шара кітапхана саласы ардагерінің 75 жылдығына арналып ұйымдастырылды.

Скачать видео